كيف اخذ صور جميلة + برامج التعديل اللي استعملها+ كيف انقل الصور من الكاميرة للجوال | سمر القحطاني
بسم الله الرحمن الرحيم
راح اتكلم اليوم عن طريقتي او الاساسيات المهمه بالتصوير
بما ان التصوير هو الشي اللي ينقل موهبتك للناس سواء رسم او غيره فمهم جداا طريقه عرضك تكون حلوه ومرتبه وتعتمد لك مود معين
موضوعي اليوم بيتكلم عن:
- اساسيات التصوير
-كيف انقل الصور من الكاميرا للجوال
- البرامج اللتي استعملها للتعديل على الصور
1
اهم شي تعرف خصائص الجهازاللي تصور فيه مثلا تصور بايفون لازم تعرف كيف خصائصه وامكانيته واذا كاميره احترافيه لازم تعرف خصائصها عشان تستخدمها افضل استخدام
هذا مقطع مفيد عن خصائص كاميرة الايفون
2
الإضاءة
اهم اهم شي بالتصوير الأضاءه جدا تفرق الصور
وافضل مصدر لها طبعا الشمس عشان كذا انا حاطه مكتبي قدام الشباك :)
دايم احرصوا على وجود ضوء كافي وابداً لا تستخدمون الفلاش لانه يخرب
3
الزاوية
وانت تأخذ الصور غير بالزاوية وأخذ اكثر من صور بغير الزوايا ثم اذا انتهيت اختر الافضل بينهم
4
التركيز
التركيز يكون على المحتوى الاساسي اللي توضحة الصورة
5
الدقة
اهم شي بعد الاضاءه الدقة هي حجم الصوره فمثلا اذا صور الشاشه تنقص دقتها او بعض البرامج احيانا تقول اذا تبي تحفظ الصور اختر المقاس صغير اوكبير او الاساسي
اذا تبي تحافظ على دقه الصور حاول تختار برامج ماتخربها ولا تصور الشاشه وارسلها بالبلوتوث بدل الواتساب
كيف انقل الصور من الكاميرة للجوال
تصوير الكاميرة افضل بكثير من الجوال وتتيح كثير مميزات فهو افضل بمليون من الجوال
وهذي الطريقه اللي انقل فيها الصور لا تخرب الجودة
عشان تنقل الصور افتح الذاكرة على الابتوب ثم حدد الصور وانسخها على ملف جديد على سطح المكتب
خلاص نطلع الذاكره ونفتح ملفنا الجديد نحدد الصور ونفتحه وحده وحده على برنامج الرسام ونضغط تغيير الحجم
دايم احط 2000 او 1500 بكسل
بعدها نحفظها ونفتح الابيميل ونرسلها منه
وبس افتح ايميلي باجوال واحفظها واعدل عليها
البرامج اللي استعملها للتعديل على الصور
راح اتكلم عنهاوحده وحده
picsArts
استعملها لتركيب الصور مع بعض
المصمم
للكتابه بالخط العربي
studio
لاضافه ملصقات وخطوط انجليزيه جميله
phonto
خطوط انجليزيه
snapseed
لااستعمله ما اعجبني
vsco
من افضل برامج التأثيرات والتعديل
boomerang
لاخذ صور متحركة
اخر شي اقرؤ عن التصوير وتعلمون عليه واليوتيوب ملئ بالمقاطع والشروحات شوفوا مصورين طبقوا افكار لانه جدا مهم خصوصا اذا بتصور رسماتك او منتجاتك حرام تكون حلوة والتصوير ظلمها
شكرا لقرائتكم اتمنى استفدتوا ولو قليلا انتظر تعليقاتكم بفارغ الصبر
احبكم
تعليقات
إرسال تعليق