اقلام الرصاص و أنواع التظليل والدمج / فيديو وشرح :)

السلام عليكم ورحمة الله وبركاته

بأشرح اليوم التظليل بالرصاص

وانواع التظليل وبستعرض بعض الرسومات وبنحللها

اول شي

وش درجات الرصاص

9H ... 4H 3H 2H H F HB B B1 2B 3B 4B 5B 6B .... B9 

<---------------اغمق----------افتح-------------->

ولهذه الأقلام أرقام تدل على مدى طراوة القلم ودرجة تظليله 

يعني b هو الأغمق و h فاتح

وطبعا بالتظليل نبدا من الفاتح للغامق مثل تظليل الشعر وغيره اللي يحتاج تدريج 

بالتخطيط نستعمل hb افضل لان درجات h تحفر الورق

فيه راسامين يستعملون بودره الرصاص 

انامااستعملها اذا جربتها راح انزل تدوينه عنها ان شاء الله 

الأدوات

استعمل اقلام الرصاص من فايبر كاستيل 
12 درجه جميل من افضل الشركات 

الأقلام الضغاطه للتخطيط

هذي الكراسات اللي استعملها 

بالمقاطع الجايه استعمل السكتش رقم 2

مداعك الدمج ممكن تستبدلونها بأعواد اذن او منديل 

يلصق على اطراف الرسمه عشان التظافه 

المساحه المعجون للمناطق الدقيقه وممكن لتخفيف التظليل  والكهرب للمناطق الدقيقه  وغيرها المساحه العاديه 

فحم ابيض واسود استعملهم على الورق الرمادي بس

اللمسه الاخيره لتثبيت الرسمه 

انواع التظليل

استعمل ثلاث طرق للتظليل بشكل عام

مع الوقت راح تعرفون متى تستعملونها وايش تناسب حسب اسلوبكم

هذي هي 

انا اسويها بنفس الصوره بعدها ادمجها 

رسمه بنفس الأسلوب بدون دمج

النوع الاول 

استعمله اغلب شي للإسكتشات والرسمات البسيطه 

النوع الثاني 

اسمه التظليل العكسي 

حلو ويعطي تغطيه كامله وسريع بعد 

النوع الثالث 

اغلب الرسامين يستعملونه بس ياخذ وقت 

بس حلو بتدرج الالوان 

انا ما لي طريقه معينه استعملهم كلهم وادمج بينهم حسب حاجتي 

ونظرتي

الدمج

النوع الاول

بالمدعكه

ماينفع للمناطق الوسيعه بس للصغيره 

ويبيله تدريب لانه احيانا يحوس 

لازم تمسكون المدعكه بنفس مسكتي لانه يأثر على التظليل 

اذا مسكتوها زي القلم يطلع لكم خطوط والتظليل يصير مخيس

النوع الثاني

بالمنديل

افضل شي لانه يعطي درجه متساويه مايحوس 

حلو للاماكن الوسيعه 

النوع الثالث

الدمج بالفرش

اول مره اجربه ماادري ماحبيته 

جربوا وشوفوا 

واخيرا 

خلصت الشرح ان شاء الله مانسيت شي 

بعض رسماتي بالرصاص

ماشاء الله

عذرا عالاطاله

جميع المقاطع من قناتي باليوتيوب 

اراكم قريباً